ԿարևորՔաղաքական

Մադրիդյան սկզբունքների վրա խաչ քաշեց Սաֆարովի արտահանձնումը

Աիդա Ավետիսյան

«Ռադիոլուր»

ՌԴ և Ադրբեջանի արտգործնախարարների հանդիպումը ռազմական փորձագետ Դավիթ Ջամալյանը գնահատում է հերթապահ, վճռորոշ քայլեր չհուշող, մադրիդյան սկզբունքների տրամաբանության մեջ:

Ըստ էության՝ ադրբեջանական կողմը մադրիդյան սկզբունքների վրա խաչ է քաշել Ռամիլ Սաֆարովի արտահանձնումից և նրա կերպարը հերոսացնելուց հետո, կարծում է Ջամալյանը.

«Ի վերջո՝ հիմա քննարկման  են դրված այդ սկզբունքները։ Մի բան հստակ է, որ Կազանի հանդիպումից առաջ  մեր արտգործնախարարը նշել է, որ ցանկացած փաստաթուղթ ՀՀ- ն կստորագրի միայն այն դեպքում, եթե պաշտոնական Ստեփանակերտը տա իր համաձայնությունը»։

Բանակցությունները, ըստ Ջամալյանի, պետք է սկսել զրոյից, քանի որ արանքում եղան սաֆարովյան դեպքերը։

Արցախի իշխանությունը չի կարող  իրեն զրկել սահմանադրորեն  ամրագրված տարածքներից, որոնք իր անվտանգության միակ և հուսալի երաշխիքն են: Ըստ Ջամալյանի` պաշտոնական Ադրբեջանը չի կարող իրեն սահմանադրորեն ամրագրված  սահմանները հենց այնպես սկուտեղի վրա մատուցել  սաֆարովյան արժեքային համակարգով ապրող Ադրբեջանին:
Այս առումով՝ մեր ռազմավարական դաշնակից երկրի ատգործնախարարը պետք է զգուշավոր լինի իր հայտարարություններում, ասում է ռազմական փորձագետը:

«Բոլորի համար էլ ակնհայտ է, որ տարածքային զիջումներ ասվածը վաղուց արդեն անցյալ է: Այս առումով հատկանշական է Շավարշ Քոչարյանի հայտարարությունը: Շատ հստակ շեշտադրում արվեց, ուզու՞մ եք ստատուս քվոյի փոփոխություն, ճանաչեք Արցախը, բանակցեք ագրեսային հետևանքները վերացնելու շուրջ»:

 

Ցուցադրել ավելի
Back to top button