ԿարևորՔաղաքական

Զրոն, զրոյից առաջն ու հետոն խորհրդարանում

Լուսինե Վասիլյան

«Ռադիոլուր»

Խորհրդարանակaն ուժերն այսօր ավանդաբար ամփոփել են ԱԺ հերթական քառօրյայի արդյունքները: Այն   իրականում առանձնահատուկ էր քննարկումների ոճով  ու բովանդակությամբ, նաև ՝ հիշարժան ելույթներով ու  արտահայտություններով:
Քառօրյայի 4 օրերից երեքուկեսը խորհրդարանը նվիրեց կառավարության ծրագրի քննարկմանը:  ԱԺ խմբակցությունների ներկայացուցիչներն այսօր խոսել են ոչ միայն քննարկման ընթացքից ու արդյունքներից, այլ նաև ընդդիմություն-իշխանություն փոխհարաբերություններից ու մտածողության հեղափոխությունից, ինչր քննարկման ավարտին արձանագրել էր վարչապետ Տիգրան Սարգսյանը:

Կառավարությունը խորհրդարանին ոչ թե  ծրագիր, այլ հռչակագիր էր ներկայացրել, ամփոփելով կառավարության ծրագրի շուրջ խորհրդարանական եռօրյա քննարկումները` ասաց ՀՅԴ խմբակցության ներկայացուցիչ Արծվիկ Մինասյանը:
Դաշնակցությունը ծրագրին դեմ է քվեարկել ոչ միայն անորոշ ու հռչակագրային լինելու պատճառով, այլ նաև այն հիմնավորմամբ, որ կառավարությունը մի շարք խնդիրների պարզապես չի անդրադարձել: 

Arcvik MinasyanԿառավարությունը ոչ թե ծրագիր, այլ հռչակագիր է ներկայացրել

Արծվիկ Մինասյան

 
« Ծրագրում որևէ ձևակերպում  չկա նոր ատոմակայաի կառուցման վերաբերյալ, խոսք չկա ազգային փոխադրողի, գազատրանսպորտային համակարգի, էներգետիկ անվտանգության ու բալանսավորման մասին»,- ասաց պատգամավորը։
Սրանք ծրագրին դեմ քվեարկելու դաշնակցության տնտեսական հիմնավորումներն էին։ Ինչ վերաբերում է քաղաքականին, ապա  Արծվիկ Մինասյանը քառօրյայի՝ կառավարության ծրագրին նվիրված 3.5 օրերի   քննարկումն այսպես է բնութագրեց.

«Ընդդիմությունը քննադատում էր հիմնավորված, իշխանությունը պաշտպանվում էր առանց հիմնավորման՝ վիրավորելով ու պիտակավորելով»:
Նախորդ քառօրյան իրականում առանձնահատուկ էր քննարկումների ոճի ու բովանդակության առումով, նաև ՝ հիշարժան ելույթներով ու  արտահայտություններով։ Քառօրյայի առաջին օրը՝ ծրագիրը ներկայացնելիս, օրինակ  վարչապետ Տիգրան Սարգսյանը խոսեց մտածողության հեղափոխության մասին, իսկ  քննարկման ավարտին նկատեց, թե  երեք օրերի ընթացքում դահլիճում մտածողության փոփոխություն տեղի ունեցավ:  Զգացի՞ն արդյոք հեղափոխության այդ շունչը պատգամավորները։
«
Այդ հեղափոխության ծիլերն անգամ մենք չտեսանք»,- ասում է դաշնակցական գործիչը՝ հակառակը՝ նշելով, թե ընդդիմության ու իշխանության միջև ջրաբաժանն ավելի խորացած է տեսնում, իսկ անհանդուրժողականությունն ավելի կարծրացած։
Երեք օրերի ընթացքում Ազգային ժողովի դահլիճում հեղափոխության ականտես չի եղել նաև ՀԱԿ խմբակցությունը, բայց մի նոր միտում  արձանագրել է:
ՀԱԿ խմբակցության ղեկավար  Լևոն Զւորաաբյանն այսօր ասաց, որ  նախորդ քառօրյան ցույց տվեց, որ  «պառլամենտում ձևավորվել է համախմբված ընդդիմություն»:

 Levon ZurabyanԽորհրդարանում ձեւավորվել է համախմբված ընդդիմություն

Լեւոն Զուրաբյան

Զուրաբյանին այս համոզմանն են բերել քառօրյայի ընթացքում կայացած երեք քվերակությունները. մարտի 1- ի հանձնաժողովի ստեղծում, փոփոխություններ Ընտրական օրենսգրքում և  կառավարության ծրագրի հաստատում:
Երեք դեպքերում էլ ՀԱԿ-ին, «Ժառանհությանը», ՀՅԴ-ին ու ԲՀԿ-ին միավորեց դեմ քվեարկությունը:

Սրանից, Զուրաբյանի կարծիքով,  իշխանությունները կորցրել են ինքնավստահությունը:  Ապացույցը, ըստ նրա, այն է, որ  կոալիցիայի անդամները ողջ քննարկման ընթացքում ոչ այնքան  քննադատությանը պատասխանեցին, որքան ընդդիմությանը  քննադատեցին:
Քննարկումը Լևոն Զուրաբյանին երկրորդ դրական եզրահանգմանն է բերել. 
«Մեր խորհրդարանը դարձել է խորհրդարան՝ անկախ իր բոլոր թերություններից»:
Այդ նույն քննարկումներում  քննադատության բավական մեծ  չափաքանակ  բաժին ընկավ հենց ՀԱԿ-ին:  Սկսած Արմեն Աշոտյանի այն դիտարկումից, թե 7 հոգանոց խմբակցությունում արդեն 5 քաղաքական կենտրոն կա, ավարտած Գալուստ Սահակյանի դիտարկումով, թե ՀԱԿ-ը զրոյացել է։
«Փաստորեն՝ մի զրո կա Հյաստանում, որի մասին օր ու գիշեր խոսում են իշխանությունները, որը նյարդայնացնում է վարչապետին ու ՀՀԿ խմբակցության ղեկավարին, որը ժողովրդին ճշմարտությունն է ներկայացնում: Շատ հզոր զրո է»։

Galust SahakyanՄտքի հեղափոխությունը շատ դժվար բան է

Գալուստ Սահակյան


Նույն հարցը Գալուստ Սահակյանին ուղղվեց. եթե խոսքը զրոյի մասին է, ապա  ինչու է այդքան շատ խոսվում։
«Որովհետև զրոյից առաջ եթե  թիվ ես դնում, մի բան դառնում է, եթե հետո ես դնում, ոչինչ չի դառնում»:
Գալուստ Սահակյանն ասաց, որ ինքը հետոյի մասին է խոսել:
Վերադառնալով հեղափոխությանը. հետաքրքիր էր, թե հեղափոխության շունչն արդյոք զգաց նաև ՀՀԿ խմբակցության ղեկավարը: Պարզվեց՝ Գալուստ Սահակյանը նույնքան հեշտ չի պատկերացնում  մտածողության հեղափոխությունը։
«Մտքի հեղափոխությունը շատ դժվար բան է, դա ամբողջ կյանքում պետք է փորձես ներառել»,- ասաց։

Ցուցադրել ավելի
Back to top button