Կրկնակի քվեարկության փաստով Շենգավիթ վարչական շրջանի դատախազի հանձնարարությամբ` ոստիկանությունում հարուցվել է քրեական գործ։
Ոստիկանության նախապատրաստված նյութերով պարզվել է, որ այսօր նույն վարչական շրջանի բնակիչ Ղազար Մկրտչյանը Երևան քաղաքի ավագանու ընտրություններին մասնակցելու նպատակով գնացել է թիվ 11/32 տեղամաս, որտեղ փորձել է քվեարկել մեկից ավելի անգամ:
Նրա մոտ հայտնաբերվել է երկու ծրար, որոնցից յուրաքանչյուրի մեջ եղել է քվեարկված մեկական քվեաթերթիկ:
Ընտրողի կրկնակի քվեարկությունը կանխել է հանձնաժողովի նախագահը։
Դեպքի առթիվ հարուցվել է քրեական գործ` ՔրՕր-ի 34/153-րդ հոդվածի առաջին մասով: Կատարվում է նախաքննություն:
«Ոստիկանությանը հանձարարվել է պարզել դեպքի բոլոր հանգամանքները, այդ թվում թե ինչպես է ընտրողի մոտ հայտնվել երկու ծրար և երկու քվեաթերթիկ:
Մինչ այս Մալաթիա-Սեբաստիա վարչական շրջանի դատախազի հանձնարարությամբ ոստիկանությունում հարուցվել էր քրեական գործ 8/23 ընտրատեղամասում մեկից ավելի անգամ քվեարկելու փորձ կատարելու դեպքի առթիվ։
