Մայիսմեկյան տոնակատարությունները Արմավիրում. վետերանները հիշում են խորհրդային տարիները
Սաթիկ Իսահակյան
«Ռադիոլուր»- Արմավիր
Աշխատանքի օրը արմավիրցիների համար սկավում և ավարտվում է քաղաքի զբոսայգում երկու հնամաշ կարուսելների, փուչիկների ու խաղալիքների ուղեկցությամբ։
Քաղաքային զբոսայգու տեսքն անացած տարիների համեմատությամբ փոխվել է` ցանկապատվել է, ամիսներ առաջ տեղադրվել են նոր նստարաններ, խորքային հոր է հորատվել ու նոր ծառեր են տնկվել:
Ենթադրվում է, որ այն աստիճանաբար ստանալու է նախկին տեսքը և կծառայի բնակիչների հանգստի անցկացման ու տոնախմբություններ նշելու վայր։
Միջին և ավագ սերունդը հիշում է տարիներ առաջ կազմակեպված միջոցառումները: Կարինեն այժմ իր երեխաներին է բերել այգի, իսկ տարիներ առաջ մանկապարտեզի երեխաների հետ փուչիկներով քայլերթի են դուրս եկել ու նշել մայիսի 1-ը, որպես աշխատավորների համերաշխության տոն:
Տոնակատարության օրը Արմավիրի զբոսայգում էր երիտասարդ ֆրանսիացի զբոսաշրջիկ Ժուիլիենը, ով հետաքրքրված է մեր հնամենի երկրի մշակույթով ու բարքերով, եղել է մարզի Բագարան սահմանամերձ գյուղում, հյուընկալվել հայկական օջախներում, ու շատ տպավորված է մարդկանց հյուրասիրությամբ ու անմիջականությամբ:
Նա նշեց, որ Ֆրանսիայում նույնպես նշում են տոնը, սակայն խոնավ ու ցուրտ եղանակն այսպիսի ջերմություն չի հաղորդում մարդկանց:
Խորհրդային Միության տարիներին մայիսմեկյան տոնակատարություններն ուղեկցվել են շքերթներով, որին հաջորդել են երկօրյա տոնախմբությունները: Հայրենական մեծ պատերազմի վետերանների Արմավիրի խորհրդի նախագահ Յուրի Ալավերդյանը 8 տարի ղեկավարել է Հոկտեմբերյանի շրջանային «Կոմունիզմի համար» թերթը, զբաղեցրել է կոմերիտական և կոմունիսական կուսակցության տարբեր պաշտոններ: Նա լավ է հիշում նախկին միջոցառումները, որոնք կազմակերպվում էին հենց այս օրը, բովանդակալից էին` վերածվելով համաժողովրդական տոնի:
Լևիկ Սահակյանը նույնպես նույն ուղին է անցել, կուսակցական պաշտոնյա է եղել, խմբագրել է «Բամբակագործ» թերթը, իսկ 21 տարի ղեկավարել է Նոր Արմավիրի կոլտնտեսությունը, արժանացել է ԽՄԿԿ ԿԿ, Մինիստրների խորհրդի և ՀԱՄԿԽ ԿԿ փոխանցիկ դրոշին, ստացել են «Նիվա» մակնիշի ավտոմեքենա և 3000 ռուբլի, որը որպես պարգև բաժանվել է կոլտնտեեսության աշխատողներին:
Իսկ այժմ աշխատավորների տոնը վերականգնվել և միայն հանգստյան օր է դարձել:
