Կարեն Ղազարյան
«Ռադիոլուր»
Երևանի գործող քաղաքապետ, Երևանի ավագանու ընտրություններում ՀՀԿ ցուցակը գլխավորող Տարոն Մարգարյանն ավագանու ընտրությունների նախընտրական քարոզարշավի շրջանակներում երեկ Նորք-Մարաշ վարչական շրջանում էր:
Նորք-Մարաշ համայնքում Տարոն Մարգարյանը նախ այցելեց Սուրբ Աստվածածին եկեղեցի, մոմ վառեց, ապա նաեւ ծաղիկ զետեղեց ու հարգանքի տուրք մատուցեց եկեղեցու բակում հանգչող Արմենակ Արմենակյանի շիրմին:
Համայնքի բնակիչների հետ հանդիպումներում Տարոն Մարգարյանը ներկայացրեց անցած 4 տարիների ընթացքում մայրաքաղաքում ու մասնավորապես Նորք-Մարաշ համայնքում իրականացված աշխատանքները:
