Հասարակություն

Վարորդներն անհանգստացած են կառավարության նախաձեռնությունից

Լիլիթ Մուրադյան
«Ռադիոլուր»

Տաքսու վարորդները շարունակում են բողոքել, անգամ Տրանսպորտի եւ Կապի նախարար Գագիկ Բեգլարյանի հետ նախօրեին տեղի ունեցած հանդիպումից եւ փոփոխված օրենքի նախագծի անհրաժեշտության մասին նրա բացատրությունից հետո: «Փափուկ բարձ են դնում մեր գլխի տակ»,-ասում են օրինական դաշտում արդեն մի քանի տարի աշխատող տաքսու վարորդները: Նրանց խոսքով՝ այս փոփոխություններով հավասարություն սպասելն անիմաստ է: «Տեսակետ» ակումբում լրագրողների հետ հանդիպման ժամանակ «Քաղաքացիական դիրքորոշում» ՀԿ-ի նախագահը, անհատ ձեռներեց վարորդների հետ միասին, իրենց մտահոգություններն են ներկայացրել:

Ինչով են մտահոգ անհատ ձեռներեց վարորդները: Նրանք իրենց մտահոգությունները հիշեցնենք, երեկ ներկայացրել են տրանպորտի եւ կապի նախարար Գագիկ Բեգլարյանին: «Քաղաքացիական դիրքորոշում» ՀԿ-ի նախագահ Գեւորգ Դոստուրյանը, ԱՁ վարորդներ Գագիկ Պողոսյանն ու Վիկտոր Սահակյանը երեկվա հանդիպումից հետո եւս շարունակելու են պայքարել հանուն հավասար իրավունքների: Դեղին համարանիշերից սպիտակին անցնելը, նրանց խոսքով, հետքայլ է: Գեւորգ Դոստուրյանի խոսքով՝ կյանքը ցույց տվեց, որ վերջին 5-6 տարիներին դաշտը չկարգավորեցին նունիսկ դեղին համարանիշերը:

Վարորդ Վիկտոր Սահակյանի խոսքով էլ իրենց անհագստությունը կապված է նաեւ ապագայի նկատմամբ թերահավատությամբ. «Ոչ մի հույս չկա, թե վաղը նորից մի օրենք չի փոխվի»,-ասում է: Անհատ Ձեռներեց Գագիկ Պողոսյանն էլ լուրջ խնդիր է համարում սոց վճարների հարցը:

Հիշեցնենք, որ երեկ տրանսպորտի եւ կապի նախարար Գագիկ Բեգլարյանը ապացուցում էր , որ վարորդներն ընդամենը մի քանի պարտադիր վճարից ազատվում են նոր նախագծով, իսկ վարորդների դժգոհությունն էլ պայմանավորում էր հետեւյալով. որ որոշ ՀԿ-ներ վարորդների հաշվին գումար են վաստակում եւ նրանց համոզում, որ օրենքը վարորդների դեմ է ուղղված:

Ցուցադրել ավելի
Back to top button