Քաղաքական

ՕԵԿ- ը ուզում է վերանայել գազի սակագինը

Լուսինե Վասիլյան

«Ռադիոլուր»

 http://www.armradio.am/hy/wp-content/uploads/2013/03/270313OEK.mp3

Հայաստանի հանրային ծառայությունները կարգավորող հանձնաժողովի նախագահ Ռոբերտ Նազարյանը նախորդ քառօրյայի ընթացքում  խորհրդարանին ներկայացրեց  հանձնաժողովի 2013 թվականի գործունեության ծրագիրը: Քննարկման ժամանակ անդրադարձ եղավ նաև գազի սակագնին:  Ռոբերտ Նազարյանը հիշեցրեց , որ հանձնաժողովը հայկական և ռուսական կողմերի միջև գազի գնի շուրջ ընթացող բանակցությունների պայմանագրային կողմ չէ, ուստի տեղյակ չէ  բանակցությունների ընթացքից ու  արդյունքներից:

Նազարյանը  նաև ընդգծեց, որ այս պահին սակագնի վերնայման  հայտ չկա. Ռուսաստանից Հայաստան ներկրվող գազի սակագինը սահմանին կազմում է 180 դոլար`1000 խմ դիմաց:
Փոխարեն՝ը գազի սակագնի վերանայման գործընթաց սկսել է  է առաջարկում ՕԵԿ-ը: Խմբակցության ներկայացուցիչ Հովհաննես Մարգարյանն այսօր ասաց, որ նման հարցապնդում են պատրաստվում ուղարկել Հանրային ծառայությունները կարգավորող հանձնաժողով:

«Միջազգային փորձը ցույց է տալիս, որ  մոնոպոլ ընկերությունների համար 3-5 տոկոս շահույթ է հաշվարկված: «Հայռուսգազարդը» Հայաստանում մոնոպոլ ընկերություն է, գազի սակագնի մեջ նրա շահույթը հաշվարկված է 10 տոկոս:  Առաջարկում ենք, որ հաշվարկված 10 տոկոս շահույթը վերանայեն. որքան կրճատվի,  այնքան կազդի գազի սակագնի վրա»:

ԱԺ նախորդ քառօրյայի ընթացքում ՕԵԿ պառտգամավոր Հովհաննես Մարգարյանը մեկ այլ հարցի վրա էլ էր կառավարության ուշադրությունը հրավիրել. ահազանգել էր Գյումրիի դիահերձարանի աղետալի վիճակի մասին:

«Դիահերձարանաը 58 թվականից ոնց կա, այդպես էլ մնում  է: 65 տարի այստեղ ոչինչ չի արվել: Արդեն կարելի է պատկերացնել, թե ինչ սարսափելի վիճակ է»:

Հարցն այս դեպքում, ըստ ՕԵԿ-ական պատգամավորի, օպերտիվ քննարկման առարկա է դարձել. քննարկումն արդեն  արդյունքներ  ունի:
Առողջապահության նախարարը տվել է համապատասխան հանձնարարական, կառավարությունը առաջիկա օրերին պատրաստվում է տրամադրել   ֆինասական միջոցները  դիահերձարանի նոր շենքի կառուցման համար:
Ի դեպ՝ ըստ պատգամավորի՝ բացի Երևանից բոլոր մարզերում այս հաստաությունները նույն աղետալի վիճակում են:  Կառավարությունը փորձում է լուծումներ գտնել  հայեցակարգի մշակման  և տիպային հաստատությունների  հաստատման միջոցով։

Ցուցադրել ավելի
Back to top button