Հասարակություն

Մատչելի կլինե՞ն արդյոք այս ընտրությունները հաշմանդամենրի համար

Սոնա Հակոբյան
«Ռադիոլուր»

Երևանի ավագանու ընտրություններին ընդառաջ այսօր հաշմանդամություն ունեցող անձանց խնդիրներով զբաղվող մի շարք կազմակերպությունների ղեկավարներ իրենց կարծիքն ու գնահատականն են հայտնել ընտրություններին մասնակցելու մատչելիության հետ կապված: «Ունիսոն» ՀԿ նախագահ Արմեն Ալավերդյանը հայտնել է, որի իրենց դիտարկումներին համաձայն Երևան քաղաքում դեռևս նախագահական ընտրություններին լիովին մատչելի ընդամենը 31, իսկ որոշ չափով մատչելի`44 ընտրատեղամաս է եղել, ինչը շատ չնչին տոկոսն է կազմում առկա ընտրատեղամասերի: Դիմելով քաղաքապետարան կազմակերպությունը ներկայացրել է կոնկրետ առաջարկներ ընտրատեղամասերում հաշմանդամություն ունեցող անձանց մատչելիության հետ կապված և հույս է հայտնել առաջիկա ավագանու ընտրություններին տեսնել այդ փոփոխությունները:

Առջևում Երևանի ավագանու ընտրություններն են, սակայն մայրաքաղաքը շարունակում է որոշակիորեն անհասանելի մնալ Երևանում ապրող շուրջ 60 հազար հաշմանդամություն ունեցող քաղաքացիների համար: Բացի այդ` ընտրություններին հավասարապես մասնակցելու իրավունք ունեն նաև այդ նույն հաշմանդամություն ունեցող անձինք, որոնց համար բազմաթիվ խնդիրներ են առաջանում հենց ընտրությունը կատարելիս: «Ունիսոն» հասարակական կազմակերպությունը ուսումնասիրություն անցկացնելով բոլոր ընտրատեղամասերում դեռևս նախագահական ընտրություններից առաջ և այդ ընթացքում` պարզել է, որ մայրաքաղաքում լիովին մատչելի ընդամենը 31 ընտրատեղամաս է եղել, ինչը Երևանում առկա ընտրատեղամասերի ընդամենը 6 տոկոսն է, լրագրողների հետ զրույցում հայտարարեց «Ունիսոն» ՀԿ նախագահ Արմեն Ալավերդյանը:

Արմեն Ալավերդյանն ասաց, որ ոչ մատչելի միջավայրն առկա է ոչ միայն ընտրատեղամասերում, այլև Երևանում` ընդհանրապես: Անհասանելի է թե’ շինությունների մուտքը և թե’ տրանսպորտը, ինչի մասին անընդհատ խոսվում է, բայց անիմաստ: Ինչևէ առջևում ավագանու ընտրությւոններն են, և «Աշխարհն առանց արգելքների» ՀԿ նախագահ Արման Մուշեղյանը կարևորում է ընտրություններին հաշմանդամություն ունեցող անձանց մասնակցությունը ոչ միայն իբրև ընտրողի, այլև որպես ընտրվողի:

«Հարմոնիա» ՀԿ նախագահ Ալբերտ Աբգարյանը միաժամանակ աշխատելով նաև նախագահի աշխատակազմում երբևէ բաց չի թողել հաշմանդամություն ունեցող անձանց խնդիրները բարձրաձայնելու առիթը և հավաստիացնում է, որ այդ խնդիրները ինչպես քաղաքապետի, այնպես էլ Հանրապետության նախագահի ուշադրության կենտրոնում են:
Ամբողջ խնդիրն այն է, որ այս բոլոր խնդիրների մասին խոսվում է միայն ընտրությունից ընտրություն: Սակայն ընտրություններից հետո երբեմնի հնչած հավաստի խոստումները հեշտությամբ մոռացվում են և դրանց մասին կրկին հիշում են արդեն հերթական ընտրույթւոններին ընդառաջ, նկատեց Արման Մուշեղյանը:

Ցուցադրել ավելի
Back to top button