ԿարևորՀասարակություն

Այսօր Երջանկության միջազգային օրն է

ՄԱԿ-ն այսօր առաջին անգամ նշում է Երջանկության միջազգային օրը։ Մարտի 20-ը Երջանկության օր հայտարարելու վերաբերյալ որոշումը կայացվել է ՄԱԿ-ի Գլխավոր ասամբլեայի կողմից 2012թ. հուլիսի 12-ին։Օրվա կապակցությամբ ՄԱԿ-ի գլխավոր քարտուղար Բան Գի Մունն ասել է, որ «երջանկությունն ընկած է մարդկային ցանկությունների հիմքում»։ Ընդ որում՝ նա ափսոսանք է հայտնել, որ «նյութական բարեկեցությունը դեռևս անհասանելի է չափազանց շատ մարդկանց, ովքեր ապրում են ծայրահեղ աղքատ պայմաններում»։

Օրվա կապակցությամբ առաջին միջոցառումը ՄԱԿ-ի շտաբ-բնակարանում կլինի հայտնի հնդիկ հոգևոր ուսուցիչ Շրի Չինմոյի «Երջանկության գանձերը» աուդիոգրքի շնորհանդեսը։ Հետաքրքրական է, որ Երջանկության միջազգային օրը նշելու նախաձեռնությունը եկել է փոքր լեռնային երկրից՝ Բութանից (պետություն Ասիայում)։ Համարվում է, որ Բութանի թագավորության բնակիչներն ամենաերջանիկ մարդիկ են ամբողջ աշխարհում։

Ցուցադրել ավելի
Back to top button