Հասարակություն

Արմավիրի մարզում բացվեց ԱՆ ԴԱՀԿ Արմավիրի մարզային բաժնի Բաղրամյանի բաժանմունքը

Սաթիկ Իսահակյան
«Ռադիոլուր»
Արմավիր

Այսօր Արմավիրի մարզի Մյասնիկյան համայնքում բացվեց արդարադատության նախարարության դատական ակտերի հարկադիր կատարման Արմավիրի մարզային բաժնի Բաղրամյանի բաժանմունքը: Վարչական շենքը հիմնանորոգված է, ապահոված նոր տեխնիկայով, որը հնարավորություն է տալիս քաղաքացիներին որակյալ սպասարկել: Բաժանմունքը իր ծառայությունները կիրականացնի մարզի 23 համայնքում: Բացմանը ներկա էր գլխավոր հարկադիր կատարողի տեղակալ Սամվել Եգանյանը:

Զինվորական կառույցի աշխատակիցները տարբերվում են սև գույնի համազգեստով, ծառայողները շարք էին կանգնել դիմավորելու ծառայության ղեկավարի տեղակալին, որին էլ Արմավիրի մարզպետ Աշոտ Ղահրամանյանի հետ տրվեց նոր բաժանմունքի շենքի բացման պատիվը: Դատական ակտերի հարկադիր կատարման գլխավոր խնդիրը օրինական ուժի մեջ մտած դատական ակտերի կատարումն է, սակայն դրա հետ մեկտեղ բարելավվում է համակարգի կատուցվածքը, նյութատեխնիկական բազան` նպաստավոր պայմաններ ստեղծելով աշխատակիցների գործունեության համար: Կտրելով կարմիր ժապավենը գլխավոր հարկադիր կատարողի տեղակալ, արդարադատության գնդապետ Սամվել Եգանյանը շնորհավորեց գործընկերներին նոր մասնաշենքի բացման կապակցությամբ և համոզմունք հայտնեց մատուցվող ծառայության որակի բարձրացման համար:
Համակարգում բոլոր ծառայություններն իրականացվում են էլեկտրոնային եղանակով, բաժանմունքն ապահովված է տեղեկատվական նոր տեխնոլոգիաներով, որի գործարկումն ավելի արդյունավետ է ու քիչ ծախսատար նաև ժամանակի առումով: Այս մասին տեղեկացրեց ԴԱՀԿ ծառայության տեղեկատվական տեխնոլոգիաների ներդրման և համակարգի ավտոմատացման բաժնի պետ, արդարադատության փոխգնդապետ Գագիկ Հարությունյանը:
Դատական ակտերի հարկադիր կատարման Արմավիրի մարզային բաժնում միայն 2011թ հարուցվել է 6702 կատարողական վարույթ, 2012 թ-ին ` 7116, այսինքն կատարողական վարույթներն աստիճանաբար ավելանում են, որոնց մեծ մասը պայմանավորված է բանկերին ու վարկային կազմակերպություններին ունեցած պարտքերով, որն իրականացվում է գույքի բռնագանձմամբ:

Ցուցադրել ավելի
Back to top button