ԿարևորՀասարակություն

Հրատապ խորհրդակցություն. օրակարգում ջերմաստիճանի կտրուկ բարձրացումն է

Կանխատեսվող  կլիմայական կտրուկ փոփոխությունները հրատապ խորհրդակցության առիթ են դարձել գյուղնախարարությունում, որին մասնակցել են նաեւ նախարարության ենթակայության տակ գտնվող ՊՈԱԿ-ների ու ԾԻԳ-ի ղեկավարները:

«Մարտի 15-17-ը հանրապետության տարածքը կգտնվի Աֆրիկայի հյուսիսային շրջաններից սկիզբ առած հզոր տաք օդի ալիքի ազդեցության գոտում, որի արդյունքում կդիտվի ջերմաստիճանի կտրուկ բարձրացում` մարտի 12-ի համեմատ 8-10 աստիճանով: Այնուհետև մարտի 18-ին սպասվող տեղումները կարագացնեն բարձր ջերմաստիճանների արդյունքում կիսահալված վիճակում գտնվող ձյան հալոցքը։ Գետերում սպասվում է ջրի մակարդակի կտրուկ բարձրացում, որի հետևանքով հնարավոր է գարնանային վարարումներ և սելավային  վտանգներ:

Նման վտանգներից խուսափելու համար ՀՀ գյուղատնտեսության նախարար Սերգո Կարապետյանն  հորդորեց  «Գյուղատնտեսական ծրագրերի իրականացման գրասենյակ» պետական հիմնարկին`  միջոցներ ձեռնարկել , որպեսզի  հակահեղեղային միջացառումների ծրագրով նախատեսված աշխատանքներն  ավարտին հասցվեն նախատեսվածից շուտ:

Գյուղատնտեսության աջակցության մարզային կենտրոնների միջոցով իրազեկել մարզպետարաններին, համայնքապետերին և գյուղացիական տնտեսություններին`  հնարավոր գարնանային հեղեղումների վտանգը մեղմելու համար:

Կազմակերպել ջրանցքներում նախկինում  տեղադրված դիմահարները հեռացնելու աշխատանքները»։

Ցուցադրել ավելի
Back to top button