ԿարևորՀասարակություն

Սումգայիթյան ջարդերի 25-ամյակին նվիրված միջոցառումներ` Բրյուսելում

Փետրվարի 27-ին Բելգիայի Հայ դատի հանձնախումբն ու «Հայասա» հայ ուսանողների միությունը, ի հիշատակ սումգայիթյան ոճրագործության զոհերի, կազմակերպել էին բողոքի ցույց Բելգիայի Թագավորությունում Ադրբեջանի դեսպանատան առջեւ: Ակցիային հաջորդել է ներկաների երթը դեպի Բրյուսելի կենտրոնական հրապարակներից մեկում տեղադրված Հայոց ցեղասպանության զոհերի հիշատակը հավերժացնող խաչքարը: Հուշակոթողի մոտ Բելգիայում ՀՀ դեսպան Ավետ Ադոնցն ու ՆԱՏՕ-ում ՀՀ առաքելության ղեկավար Արմեն Եդիգարյանը, համայնքային կառույցների ներկայացուցիչների հետ միասին զետեղել են ծաղկեպսակներ: Այնուհետեւ մատուցվել է ոգեկոչման արարողություն, որին հաջորդել է Բելգիայում ՀՀ դեսպանի ելույթը:

Մարտի 3-ին Բրյուսելի Սուրբ Մարիամ-Մագդաղենացի Հայ Առաքելական եկեղեցում մատուցվելու է պատարագ` նվիրված Սումգայիթյան նահատակների 25-րդ տարելիցին:

Ցուցադրել ավելի
Back to top button