Քաղաքական

Հայաստանում է ՆԱՏՕ- ի գնահատող խումբը

ՀՀ-ՆԱՏՕ անհատական գործընկերության գործողությունների  ծրագրի (ԱԳԳԾ) և պլանավորման ու վերանայման գործընթացի (ՊՎԳ) շրջանակներում  ՀՀ ՊՆ հանձնառությունների ընթացքը գնահատելու նպատակով ս.թ. փետրվարի 25-ից  մարտի 1-ը Հայաստանի Հանրապետությունում է ՆԱՏՕ-ի գնահատող խումբը:
Փետրվարի 25-ին խմբի անդամները այցելեցին ՀՀ ՊՆ խաղաղապահ բրիգադ, որտեղ նրանց ներկայացվեց բրիգադի գործունեության վերաբերյալ զեկույց, անդրադարձ կատարելով խաղաղության աջակցության միջազգային գործողություններին զորամիավորման ստորաբաժանումների մասնակցության, բրիգադի կարողությունների զարգացման և փոխգործունակության ամրապնդման ընթացքի վերաբերյալ:

Փետրվարի 26-ից 27-ը գնահատող խումբը ՀՀ ՊՆ-ում հանդիպումներ ունեցավ ՊՆ և ԶՈւ ԳՇ տարբեր ստորաբաժանումների ներկայացուցիչների հետ, միտված Հայաստանի ստանձնած հանձնառությունների կատարման շուրջ քննարկումներին:

Փետրվարի 28-ին ՆԱՏՕ-ի գնահատող խմբի ղեկավար Գի Ժերբոյին ընդունեց ՀՀ պաշտպանության նախարարը: Հանդիպման ժամանակ ՆԱՏՕ-ի փորձագետը զեկուցեց գնահատման այցի արդյունքների մասին: Պաշտպանության նախարարն իր հերթին, կարևորելով պարոն Գ.Ժերբոյի բազմամյա ներդրումը ՆԱՏՕ-ի հետ Հայաստանի պաշտանական գերատեսչության փոխգործունակության ամրապնդման հարցում, վերջինիս պարգևատրեց «Ռազմական համագործակցության համար» գերատեսչական մեդալով:

Գնահատող խմբի այցի արդյունքներն ամփոփվեցին ՀՀ պաշտպանության նախարարի առաջին տեղակալ Դ.Տոնոյանի հետ հանդիպման ժամանակ, որի ընթացքում նախանշվեցին նաև Հայաստանի հանձնառությունների կատարման շուրջ Հյուսիսատլանտյան Դաշինքի հետ համագործակցության հետագա ուղիները:

Ցուցադրել ավելի
Back to top button