Լուսինե Վասիլյան
«Ռադիոլուր»
Հայտարարությունների ժամն այսօր խորհրդարանում ամբողջությամբ հետընտրական էր, ելույթների առաջին տասնյակը՝ ընդդիմադիր խմբակցություններինը, առաջին եռյակը՝ միայն «Ժառանգությանն» էր:
Խմբակցության ղեկավար Ռուբեն Հակոբյանն ԱԺ ամբիոնից հայտատարեց, որ Րաֆֆի Հովհաննիսյանի նախընտրական շտաբը չի ճանաչում փետրվարի 18-ին կայացած նախագահական ընտրությունների պաշտոնական արդյուքները:
ՀԱԿ ներկայացուցիչներ Լևոն Զուրաբյանն ու Ստեփան Դեմիրճյանը նույնպես փաստեցին, որ ընտրությունների արդյուքները չեն արտացոլում իրականությունը, իսկ հետընտրական զարգացումները փաստում են դժգոհության բարձր մակարդակը:
Ընտրությունները վատն էին, արդյուքները կանխորոշված, իսկ պատճառները նույնը: Սա արդեն Դաշնակցություն խմբակցության ղեկավարի ձևակերպումն է: Արմեն Ռուստամյանը հետաքրքիր ցուցիչ է համարում ընտրություններին հաջորդած հրաժարականների շքերթը:
Հանարապետականներից Կարեն Ավագյանը փորձեց ամփոփել ՀՀԿ-ի ընդհանրացված դիրքորոշումը հետընտրական զարգացումների վերաբերյլ: Ըստ նրա՝ դրանք ոչ այնքան ընտրությունների, որքան ընդդիմության վերաձևավորման հետ կապված հարցեր են:
Այդ պրոցեսները պետք չէ կապել ընտրությունների հետ, ասաց հանրապետական պատգամավորը, ում կարծիքով հավակնություններ ներկայացնելուց առաջ ընդդիմությունը դեռ անելիք ունի։
