ԿարևորՔաղաքական

Պարույր Հայրիկյանը դիմել է ՍԴ

Հայաստանի նախագահի թեկնածու Պարույր Հայրիկյան այսօր Սահմանադրական դատարան դիմում է ներկայացրել՝ խնդրելով երկու շաբաթով հետաձգել փետրվարի 18-ին կայանալիք նախագահական ընտրությունները: ՀՀ Սահմանադրության համաձայն, թեկնածուներից որևէ մեկի մոտ անհաղթահարելի խոչընդոտի առկայության դեպքում, թեկնածուն կարող է դիմել ՍԴ՝ ընտրությունները երկու շաբաթով հետաձգելու խնդրանքով: Անհաղթահարելի խոչընդոտի առկայության մասին որոշումը կայացնում է ՍԴ-ն:

ՍԴ մամուլի ծառայությունը հաղորդում է, որ Սահմանադրական դատարանը, օրենքով սահմանված կարգով, սույն գործի  քննության ընդունման հարցը քննության կառնի դիմումի մուտքագրումից հետո 24 ժամվա ընթացքում:

Սահմանադրական դատարանն առավելագույնը 4 օր ունի՝ հարցը քննելու և որոշում կայացնելու համար:  Չորս օրը, այս դեպքում,  եթե հաշվենք գործը քննության վերցնելու ժամկետով` երկուշաբթի օրվանից, լրանում է հինգշաբթի, ժամը 18:00-ին. մինչ այդ, Սահմանադրական դատարանը պետք է որոշում կայացնի:  Եթե արձանագրի, որ թեկնածուի դեմ այդպիսի խոչընդոտներ առաջացել են, ընտրությունները երկու շաբաթով հետաձգելու որոշում կկայացնի: Եթե ոչ՝ արդեն խիստ հավանական է դառնում, որ ՀՀ նախագահի ընտրությունը տեղի կունենա փետրվարի 18­-ին, քանի որ այլ թեկնածուներ նման հարցով ՍԴ դիմելու մտադրություն չեն հայտնել, իսկ դրա հնարավորության ժամկետն ավարտվում էր այսօր՝ ժամը 18:00-ին:

Ցուցադրել ավելի
Back to top button