Ընտրողներն ավելի մեծ հավատ են ցուցաբերում ընտրությունների նկատմամբ. սոցհարցումների արդյունքները
Լուսինե Վասիլյան
«Ռադիոլուր»
Նախագահական ընտրություններից 9 օր առաջ ներկայացվել են « Հայաստանը նախագահական ընտրությունների շեմին» հարցման արդյունքները: Հարցումն իրականացրել է TNS opinion կազմակերպությունը «Հայաստանի եվրոպացի բարեկամներ» կազմակերպության պատվերով:
Քարոզարշավի ավարտին ընդառաջ ընտրողներն ավելի մեծ հավատ են ցուցաբերում ընտրությունների նկատմամբ , Րաֆֆի Հովհաննսիյանը զգալիորեն բարելավում է իր դիրքերը, միևնույն ժամանակ՝ Սերժ Սարգսյանի՝ առաջին փուլում հաղթելու հավանականությունը շարունակում է ամենամեծը մնալ. սրանք են այն հիմնական եզրահանգումները, որոնք կազմակերպիչները պարզել և հանրությանն են փոխանցել ՝ ամփոփելով հարցման արդյունքները:
«Մենք հարցումն իրականացերլ ենք քարոզարշավի միջնամասում և ապահովելով որակի ստուգման համապատասխան մեթոդներ՝ ստացել ենք վստահելի ու հաստատուն տվյալներ», — մեկնաբանումէ TNS opinion բրյուսելյան գրասենյակի մեթոդների և վիճակագրության տնօերն Սթիվ Շվարցերը:
«Ընտրողների ավելի քան 2/3-ը հավատում է, որ առաջիկա նախագահական ընտրությունները նախորդներից ավելի կազմակերպված կլինեն: Նրանք նաև կարծում էն, որ ԶԼՄ-ների լուսաբանումն ավելի չեզոք ու անաչառ է, քան՝ նախկինում: Այնուամենայնիվ՝ հարցվածների 50%-ը դժգոհ է, որ ոչ բոլոր կուսակցություններն են թեկնածու առաջադրել»,- ասում է նա։
Ըստ հարցման արդյունքների՝ 2013թ. փետրվարին 2012թ. ապրիլի համեմատ, երկրում իրավիճակի ընկալման դիրքորոշումներում փոփոխություններ գրեթե տեղի չեն ունեցել : Քարոզարշավի առաջին շաբաթների ընթացքում սոցիալ-քաղաքական հիմնախնդիրների նկատմամբ հետաքրքվածությունն աճել է 9 տոկոսային կետով բոլոր խմբերում: Հետաքրքվածությունն ամենաբարձրն է 50+ տարիքային խմբում:
«Մենք մարդկանց խնդրել ենք նշել քաղաքական գործչի 5 անուն, ում մասին առավել լավ են տեղեկացված: Պատասխանները մի քանի միտում են ուրվագծել. Րաֆֆի Հովհաննիսյանի մասին լավատեղյակների թիվը գրեթե հավասարվել է Սերժ Սարգսյանի ցուցանիշին: Պարույր Հայրիկյանի դեմ մահափորձից հետո նրա մասին լավատեղյակ անձանց թիվը զգալիորեն աճել է: Եվ վերջապես՝ թեկնածուներից չորսի ցուցանիշը չի գերազանցում 3%-ը»:
Իրազեկության ցուցանիշը դեռ վարկանիշ չէ: Հարցման արդյուքներով՝ նախագահ Սերժ Սարգսայանն ունի առավել վստահ ընտրողներ, և նրանց թիվը երկու անգամ գերազանցում է հաջորդող Րաֆֆի Հովհաննիսյանի համակիրներին: Արդյունքում՝ եթե նախագահական ընտրությունները կայանային նախորդ շաբաթ, Սերժ Սարգսյանը կհավաքեր քվեների 58 տոկոսը: Ցուցանիշը 2013-ի հարցման տվյալների համեմատ նվազել է մոտ 10 տոկոսով: Րաֆֆի Հովհաննսյանը կստանար 33 տոկոս. Նրան ցուցանիշն աճել է 12 տոկոսով:
Ըստ կազմակերպիչների վերլուծությունների՝ Րաֆֆի Հովհաննիսյանն առայժմ գտնվում է 26-ից 34 %, Սերժ Սարգսյանը ՝ 58-ից 66 % միջակայքում: Ըստ այս տվյալների ՝ երկրորդ փուլի հավանականությունը շատ ցածր է:
Հունվարի 31-ին ՝ այս հարցման առաջին օրը, դեռրս չպարզված հանգամանքներում ուսին հրազենային վնասվածք ստացած թեկնածու Պարույր Հայրիկյանի ընտրողները հիմա շատ ավելի վստահ են, որ իրենց որոշումը վերջնական է, նաև աճել է հասրակության տեղեկացվածությունը Հայրիկյանի մասին:
Այնուամենայնիվ՝ նրա ընտրողների թիվը մնում է կայուն ՝ կազմելով 4.9 տոկոս: Հրանտ Բագրատյանն այժմ հավաքում է 1.6 տոկոսով պակաս ձայն, քան հունվարին ՝ ստանալով քվեների 2.8 տոկոսը: Ինչպես և հունվարին, ըստ հարցվածների պատասխանների, մյուս թեկնածուները միասին 1.5 տոկոսից պակաս ձայն են ստանում:
Հավելեմ, որ հարցումն իրականացվե« է 2013-ի հունվարի 31-ից մինչև փետրվարի 5-ն ընկած ժամանակահատվածում. 1609 դեմառդեմ հարցազրույց է անցկացվել Հայաստանի 10 մարզերում և Երևանի 12 համայնքներում:
