Աիդա Ավետիսյան
«Ռադիոլուր»
Հանրային ռադիոյի էստրադային սիմֆոնիկ նվագախումբը Սերժ Սարգսյանի աջակցությամբ նոր բարձրակարգ գործիքներ է ձեռք բերել, այսօր լրագրողների հետ հանդիպման ժամանակ տեղեկացրեց նվագախմբի գեղարվեստական ղեկավար Երվանդ Երզնկյանը: Մինչեւ ասուլիսը սկսվելը «Իրավունք» թերթի խմբագիրը նրան հանձնեց բարձրակարգ երաժշտություն մատուցելու, քարոզելու և ակտիվ քաղաքացիական դիրքորոշման համար թերթի մրցանակը: «Իրավունքի» կողմից Երվանդ Երզնկյանը ճանաչվել է 2012 թվականի մշակույթի լավագույն գործիչ:
Մաեստրոն ուրախությամբ ավելացնում, որ իր կողքին կանգնած է լավագույն մասնագետներից Մարտին Վարդազարյանը, ում հետ աշխատում է 1990 թվականից: Այսօր շատ դժվար է պահել բարձրակարգ երաժիշտ 32.000 դրամ աշխատավարձով, ասաց։
«Մեր նվագախումբը գրեթե 10 տարի չի վարձատրվել: Պահպանվել են փորձասենյակն ու գործիքները և ես պահել եմ նվագախումբը միջոցառումներից հավաքված գումարներով»։
Երվանդ Երզնկյանը ղեկավարում է նաև Կոմիտասի անվան կոնսերվատորիայի էստրադայի և ջազի ամբիոնը ու շնորհակալ է նվագախմբին, քանի որ 15 տարի է իր ուսանողները հնարավորություն են ունեցել նվագախմբի հետ ամեն շաբաթ փորձեր անել, իսկ լավագույններն էլ արդեն երգում են մաեստրոյի մոտ: Երաժշտի խոսքով՝ մենք ունենք շատ լավ երիտասարդներ:
Սակայն այսօրվա էստրադային լավ չի վերաբերվում, քանի որ ռեմիքսներ պետք է անեն լավ գիտելիքներ ու բարձր ճաշակ ունեցողները: Պետք է հասկանալ՝ ինչը ինչպես անել, ասում է մաեստրոն։