Հայաստանը մամուլի ազատության 2012 թվականի վարկանիշում գրավել է 74- րդ տեղը՝ իր դիրքը նախորդ տարվա համեմատ բարելավելով երեք կետով։ Վարկանիշը կազմում է «Լրագրողներ առանց սահմանների» միջազգային կազմակերպությունը։
Մեր մերձավոր հարեւաններից Վրաստանը զբաղեցնում է 100- րդ, Թուրքիան՝ 154, Ադրբեջանը՝ 156- րդ տեղը։ Ռուսաստանն այս վարկանիշում գրավում է 148- րդ տեղը։
Վարկանիշի առաջին հորիզոնականը չի փոփոխվել։ Ամենաազատ մամուլ ունեցող երկրներն են Ֆինլանդիան, Նիդեռլանդներն ու Նորվեգիան։
Չի փոխվել նաեւ վարկանիշի վերջին եռյակը՝ Թուրքմենստանը, Հյուսիսային Կորեան եւ Էրիթրեան։
