Ֆրանսիացի լեգենդար կինոդերասանուհի Բրիջիտ Բարդոն հայտարարել է, որ կհետեւի Ժերար Դեպարդիեի օրինակին եւ կդիմի ռուսական քաղաքացիություն ստանալու խնդրանքով, եթե Ֆրանսիայի իշխանությունները ոչինչ չանեն երկու փղերի փրկելու համար։
Կրկեսային երկու փղերին կարող են քնեցնել։ Դեկտեմբերին նման որոշում կայացրել էր Լիոնի պրեֆեկտը, քանի որ կենդանիների մոտ հայտնաբերվել էր տուբերկուլյոզ։
Կրկեսի տնօրենը բողոքարկել էր այդ հրամանը, սակայն վարչական դատարանի որոշումը հօգուտ պրեֆեկտուրայի էր։
