ԿարևորՀասարակություն

Հանրապետությունում գրիպի եւ սուր շնչառական վարակների իրավիճակն անհանգստացնող չէ

Սոնա Հակոբյան
«Ռադիոլուր»

Հանրապետությունում գրիպի եւ սուր շնչառական վարակների իրավիճակ այս տարի անհանգստացնող չէ, նախորդ տարվա համեմատ նույնիսկ հիվանդացությունը նվազել, ասում է Առողջապահության նախարարության վարակիչ և ոչ վարակիչ հիվանդությունների համաճարակաբանության բաժնի պետ Լիլիթ Ավետիսյանը: Նախարարության կողմից ամեն շաբաթ իրականացվող մոնիթորինգի արդյուքներով շաբաթական 2000-3000 դեպքերի 70 տոկոսը արձանագրվում է մինչև 14 տարեկան երեխաների մոտ: Լիլիթ Ավետիսյանն այս հանգամանքը բացատրում է երեխաների մոտ դիմադրողականության ցածր լինելով:

Չմոռանանք, սակայն, որ այս վարակիչ հիվանդությունները հատուկ են բոլորին և դրանցից խուսափելը գրեթե անհնար է: Ինչ անել սեզոնային վարակներից խոսափելու, կամ գոնե հնարավորինս շուտ ապաքինվելու համար: Պետք է նախևառաջ հագնվել եղանակային պայմաններին համապատասխան, նկատեց վարակիչ և ոչ վարակիչ հիվանդությունների համաճարակաբանության բաժնի պետը: Դե իսկ եթե վարակն այնուամենայնիվ կա, ապա պետք է անել ամեն ինչ շուտ ապաքինվելու ինչպես նաև մյուսներին չվարակելու համար: Դե իսկ դրա համար պետք է մնալ տանը և խուսափել այլ մարդկանց հետ շփումներից: Իսկ ընդհանրապես` գրիպի և սուր շնչառական վարակների դեպքում Լիլիթ Ավետիսյանը խորհուրդ է տալիս անիմջապես դիմել բժիշկի և ոչ թե ինքնաբուժությամբ զբաղվել:

Ցուցադրել ավելի

Թողնել պատասխան

Back to top button