Հերթական արյունալի հրաձգությունը՝ ԱՄՆ-ում. տոնական շոփինգը ողբերգական ավարտ է ունեցել

Հերթական արյունալի ողբերգությունն է տեղի ունեցել Միացյալ Նահանգներում՝ այս անգամ Օրեգոն նահանգի Փորթլենդի առեւտրի կենտրոնում` նախածննդյան առեւտրի ամենաթեժ պահին: Սպիտակ դիմակով տղամարդը սպանել է երկու մարդու, եւս մեկը վիրավորվել է: Ըստ որոշ տվյալների` հրաձիգը սպանվել է դեպքի վայր ժամանած իրավապահների կրակոցից, ոմանք էլ պնդում են, որ ինքնասպան է եղել: Ոստիկանությունը չի հրապարակում կրակողի անունը եւ միջադեպի մանրամասները: