ԿարևորՔաղաքական

ԿԸՀ- ն հաստատեց ընտրությունների ժամանակացույցը

Լուսինե Վասիլյան

«Ռադիոլուր»

Կենտորնական ընտրական հանձնաժողովի այսօր հաստատած ժամանակացույցի համաձայն՝  2013 թ. փետրվարի 18-ի նախագահական ընտրություններին մասնակցելու հայտ ներկայացարած գործիչները որպես նախագահի թեկնածու գրանցման համար անհրաժեշտ փաստաթղթերը ԿԸՀ պետք է ներկայացնեն դեկտեմբերի 25-ից մինչև հունվարի 4-ը:
Կենտրոնական ընտրական հանձնաժողովը նրանց փաստաթղթերը կստուգի և գրանցումը կիրականացնի հունվարի 4-ից մինչև հունվարի 14-ը: Նախագահի թեկնածուները ինքնաբացարկի մասին դիմումներ կարող են ներկայացնել  մինչև փետրվարի 8-ը:

Նախընտարական քարոզչության համար Ընտրական օրենսգիրքը որպես սկիզբ է նշում գրանցման համար նախատեսված ժամկետի 7-րդ օրը, իսկ որպես ավարտ՝ քվերակության նախորդող օրը: Այսինքն՝ նախագահական ընտրությունների քարոզարշավը կտևի 2013-ի հունվարի 21-ից մինչև փետրվարի 16-ը:

Տեղամասային ընտրական հանձնաժողովի առաջին նիստերն ընտրատեղամասերում կհրավիրվեն հունվարի 27-ին:

Նախընտրական քարոզչության ընթացքում թեկնածուներին եթերաժամ տրամադրող հեռուստա և ռադիոընկերությունները ընտրությունների օրվա նշանակումից հետո ոչ ուշ, քան 10 օրվա ընթացքում պետք է հրապարակեն վճարովի եթերաժամի 1 րոպեի գինը : Այսինքն՝ մինչև դեկտեմբերի 18-ը  եթերաժամի գները հայտնի կլինեն:
Ընտրական օրենսգիքրը նախատեսում է նաև էլեկտրոնային քվերակություն, որին կարող են մասնակցել ՀՀ դիվանագիտական կամ հյուպատոսական ներկայացուցչություններում դիվանագիտական ծառայություն անցնող դիվանագետներն ու նրանց ընտանիքի անդամները: Նշված անձանց ցուցակը ԿԸՀ պետք է ներկայացվի մինչև դեկտեմբերի 30-ը, իսկ էլեկտորնային քվերակությունը կմեկնարկի փետրվարի 9-ին և կավարտվի փետրվարի 13-ին:

Վերջին ընտրությունների ժամանակ խնդիրներ ծագեցին անձնագրերում դրոշմակնքման  համար օգտագործվող թանաքանյութերի որակի հետ կապված: Տիգրան Մկուոչյանի խոսքով՝ հանձնաժողովը փորձելու է այնպես անել, որ նույն խնդիրը չծագի նախագահական ընտրությունների ժամանակ:

«ԿԸՀ-ում այժմ կա թանաքանյութի  7 նմուշ, և դրանք փորձարկման փուլում են: Փորձարկման արդյունքում վերջնականապես կորոշվի թանաքանյութը: Մենք նախատեսում ենք հրավիրել լրատվամիջոցների ու քաղաքացիական հասարակության ներկայացուցիչներին և նրանց ներկայությամբ նույնպես փորձարկել դրանք, քանի որ ցանկանում ենք առաջիկա ընտրություններին բացառել ցանկացած շահարկում ու խնդիր այս հարցի հետ կապված»:

Եվ վերջապես, Կենտրոնական ընտրական հանձնաժողովի նախագահը համոզված է, որ Ընտրական օրենսգքրով ամրագրված մեխանիզմները արդար ու թափանցիկ ընտրությունների կազմակերպման լիարժեք հնարավորություն են տալիս:

Հանրապետության նախագահ կարող է ընտրվել երեսունհինգ տարին լրացած, վերջին տասը տարում ՀՀ քաղաքացի հանդիսացող, հանրապետությունում մշտապես բնակվող և ընտրական իրավունք ունեցող յուրաքանչյուր ոք: Հանրապետության նախագահն ընտրվում է ՀՀ քաղաքացիների կողմից` հինգ տարի ժամկետով:

Հանրապետության նախագահի թեկնածու առաջադրելու իրավունք ունեն կուսակցությունները` համագումարի կամ մշտապես գործող մարմնի որոշմամբ, և քաղաքացիները` ինքնաառաջադրման միջոցով: Ընտրական գրավի չափը 8 մլն դրամ է:

Ցուցադրել ավելի

Թողնել պատասխան

Back to top button