Լուսինե Վասիլյան
«Ռադիոլուր»
Ազգային ժողովն այսօր սկսել է հերթական քառօրյայի աշխատանքը, որի օրակարգում 7 տասնյակից ավելի հարցեր են: Քառօրյան ավանդաբար մեկնարկել է քվեարկություններով. պատգամավորները ընդդունել են նախորդ քառօրյայի ընթացքում քննարկված բոլոր օրինագծերը, այդ թվում «Կուտակային կենսաթոշակների մասին» օրենքում և հարակից օրենքներում փոփոխություններ առաջարկող օրենսդրական փաթեթը, մի շաքր հարցեր էլ մերժել են քվեակությամբ: Մասնավորապես, օրակարդգում ընդգրկվելու համար բավարար կողմ ձայներ չի ստացել ՀԱԿ խմբակցության անդամ Հրանտ Բագրատյանի հեղինակած օրինագիծը «Միջին կենսաթոշակների նշանակման կարգի մասին»: Խորհրդրանաը ձայների մեծամասնությամբ մերժել է նաև «Ժառանգություն» խմբակցության երկու առաջրակությունը ժամանակավոր հանձնաժողովներ ստեղծելու վերաբերյալ:
Նախագծերից մեկով «Ժառանգությունն» առաջարկում էր կոռուպցիոն դրսևորումների և փաստերի վերաբերյալ խորհրդարանական ժամանակավոր հանձնաժողով ստեղծել, մյուսով կրկին ժամանակավոր հանձնաժողովի ստեղծում էր առաջարկում՝ բայց Հարսնաքարի գործին անդրադառնալու և ԱԺ-ին այդ գործով եզրակացություն ներկայացնելու նպատակով:
Երկու առաջարկներն էլ ավելի շատ դեմ, քան կողմ ձայներ ստացան։ Ի դեպ, դրանց կողմ քվեարկեցին ոչ միայն ընդդիմադիր խմբակցությունները, այլ նաև ԲՀԿ-ն:
Կոռուպցիոն փաստերով ժամանակավոր հանձնաժողով ստեղծելու հարցում ԲՀԿ-ն միայն մեկ վերապահում ուներ։
«ԲՀԿ- ն իրապես կարևորում է կոռւպցիայի դեմ պայքարի խորհրդարանական մարմին ստեղծելու գաղափարը, բայց մեզ համար ընդունելի չէ ձևակերպումը, որ նման հանձնաժողովի անդամ կարող են լինել միայն այն խմբակլցությունները, որոնք հայտարարել են ընդդիմադիր լինելու մասին»,- ասաց խմբակցության քարտողար Նաիրա Զոհրաբյանը։
Եթե այս արգելքը նախագծից հանվի, ԲՀԿ-ն կպաշտպանի այն, հայտատարեց խմբակցության քարտուղարը , ինչին հետևեց նախագծի հեղինակներից Ռուբեն Հակոբյանի պարզաբանումը ՝ նախագիծը վերանյավել է և հանձնաժողովը միայն ընդդիմադիրներով չի համլրվելու:
«Լրացված տարբերակի համաձայն ՝ հանձնաժողովը ձևավորվելու է ԱԺ բոլոր խմբակցությունների և անկախ պատգամավորներից մեկական ներկայացուցիչներով»,- ասաց։
Ձայների 41 կողմ, 62 դեմ հարաբերակցությամբ որոշումն այդուհանդերձ չընդունվեց։
Մեկ այլ մերժված օրինագիծ էլ ուներ դաշնակցությունը: «Նվազագույն աշխատավարձի մասին» օրենքում խմբակցության առաջարկած փոփոխությանը կառավարությունը բացասական եզրակացություն էր տվել: ՀՅԴ-ն, սակայն, հարցը համարում է արտահերթ, ուստի կանոնակարգով ընձեռնված հնարավորությամբ այն օրակարգ կմտնի որպես պարտադիր և ըստ անհրաժեշտության քննարկվող հարց: ԱԺ նախագահ Հովիկ Աբրահամյանը տեղեկացրեց, որ Դաշնակցության նախաձեռնությունը կքննարկվի վաղվա նիստի ընթացքում:
Այսօր նույնպես խորհրդարանը անդրադարձավ նվազագույն աշխատավարձի խնդրին, բայց կառավարության առաջարկած տարբերակի շրջանակներում: Նախագծով, որը նախորդ քառօրյայի ընթացքում ընդունվել էր առաջին ընթերցմամբ, հիշեցնեմ, նախատեսվում է նվազագույն աշխատավարձը գործող 32 500-ի փոխարեն սահմանել 35 000 դրամ: Թվում էր, ընդդիմադիրների բոլոր մտահոգությունները և իշխանության բոլոր հակափաստարկներն արդեն հնչել էին նախորդ քննարկման ժամանակ, բայց կողմերն այսօր էլ հարկ համարեցին կրկնել իրենց մոտեցումները:
Հրանտ Բագրատյանը փոփոխությունը անհեթեթ և իրավիճակին լուծում չտվող որակեց:
«Խնդիրը միայն այն չէ, որ մարդիկ աղքատ են ու պետք է տալ այդ փողը մարդկանց: Խնդիրը նաև այն է, որ մենք սխալ ստրուկտուրայով ենք առաջ գնում, որը ոչ մի տեղ չի տանում»,- ասաց նախկին վարչապետը։
Արծվիկ Մինասյանի կարծիքով էլ՝ նախագիծն ամիսատ է: ԹԵ ինչ հաշվարկ ու ինչ բանաձև է առաջարկում ՀՅԴ-ն, խմբակցությունն առավել մանրամասն վաղն իր հեղինակած տարբերակի քննարկման ժամանակ կներկայացնի։ Առայժմ Արծվիկ Միանասյանը կանգ առավ այն կետի վրա, որ իրենց առաջարկը կառավարությունից լրացուցիչ 17 մլրդ դրամ կպահանջի:
«Էսքան բացատրում, ասում ենք, միևնույնն է՝ կառավարությունը նորից գալիս ու ասում է ՝ չենք կարող: Չեք կարող, այդ էլ ենք ասել, դրա ճանապարհն էլ կա»,- ասաց դաշնակցական պատգամավորը։
Ճանապարհը, որի մասին դաշնակցական պատգամավորը նախորդ քննարկմանն էլ էր ասել, կառավարության հեռանալն է ու տեղը կարողացողներին ղիջելը, բայց այս անգամ Արծվիկ Մինասյանն իր գնալու մասին ել խոսեց:
«Խնդրում եմ իմ ելույթը չմեկնաբանեք որպես պոպուլիզմ։ Ես պատրաստ եմ իմ մանդատը վայր դնել, եթե դուք ընդունեք ու կիրառեք մեր առաջարկած գործողությունները»:
Ելույթը, այդուհանդերձ, եթե ոչ որպես պոպոլիզմ, ապա որպես դերասանություն որակվեց։ «Դերասանությունը լավ բան է, բայց թատրոնում»,- Մեծն լոռեցու խոսքը հիշեց ԱԺ փոխնախագահ Էդուարդ Շարմազանովը։