Վրաստանի նորանշանակ արտգործնախարար Մայա Փանջիկիձեն առաջիկայում կայցելի Հայաստան։
Մեր երկիր այցելելու ՀՀ ԱԳ նախարար Էդվարդ Նալբանդյանի հրավերը, ինչպես նաեւ շնորհավորական ուղերձը նրան այսօր փոխանցել է Վրաստանում ՀՀ դեսպան Հովհաննես Մանուկյանը։
Նրանք մտքեր են փոխանակել հայ-վրացական բարձր մակարդակի բարիդրացիական հարաբերությունների օրակարգային կարեւորագույն հարցերի շուրջ։
Հայաստանի դեսպանն ու Վրաստանի արտգործնախարարը քննարկել են նաեւ առաջիկա երկկողմ փոխայցելությունների ձեւաչափը, ինչպես նաեւ պայմանավորվածություններ ձեռք բերել ընթացիկ համագործակցության եղանակների վերաբերյալ: