Ավստրալիայի Նոր Հարավային Ուելս նահանգի օրենսդիր մարմինն ընդունել է Լեռնային Ղարաբաղի Հանրապետությունը և նրա հայ բնակչության ինքնորոշման իրավունքը ճանաչող բանաձև: Այս մասին տեղեկացնում է Ավստրալիայի Հայ Դատի գրասենյակը։ Պարբերականի փոխանցմամբ, հոկտեմբերի 25-ին ընդունված բանաձևը Ավստրալիայի Հայ Դատի գրասենյակի ամիսներ տևած աշխատանքի արդյունք է: Նահանգի խորհրդարանը կոչ է արել Ավստրալիայի իշխանություններին պաշտոնապես ճանաչել Լեռնային Ղարաբաղի Հանրապետությունը և հարաբերություններն ամրապնդել ԼՂՀ ու նրա քաղաքացիների հետ: Ավստրալիայի Հայ Դատի գրասենյակի տնօրեն Վաչե Ղահրամանյանը ներկա է եղել բանաձևի քննարկումներին և ընդունմանը: «Լեռնային Ղարաբաղի հարցը եղել է Ավստրալիայի Հայ Դատի գրասենյակի առաջնահերթությունը։ Այսօրվա արդյունքը հաղթանակ է բոլոր նրանց համար, ովքեր շարունակում են ճնշված լինել դաժան ռեժիմից»,-նշել է Վաչե Ղահրամանյանը։ «Լեռնային Ղարաբաղը հիմա ստանում է մի կարգավիճակ, որին նա արժանի է` անկախություն, ժողովրդավարական հանրապետություն: Սա կարևոր ուղենիշ է հայ-ավստրալիական համայնքի և մասնավորապես հայկական համայնքի համար»,- ասել է Ավստրալիայի Հայ Դատի գրասենյակի պատվավոր նախագահ Գրեգ Սողոմոնյանը։
Նմանատիպ հոդված
Չիլիում ապրիլի 24-ը սահմանվել է որպես Հայոց ցեղասպանության զոհերի հիշատակի ազգային օր
25 Ապրիլի, 2024, 12:49
2026-ից դպրոցի ավարտական քննությունները նաեւ բուհի ընդունելության քննություններ կլինեն
25 Ապրիլի, 2024, 12:16
Կարդացեք նաև
Close
-
Քննարկվել է Հայաստան-Չեխիա ռազմատեխնիկական համագործակցության ընթացքը25 Ապրիլի, 2024, 10:01