ԿարևորՔաղաքական

2500 դրամ. երկընտրանք՝ ընդդիմության, հնարավորություն՝ կառավարության համար

Լուսինե Վասիլյան

«Ռադիոլուր»

Խորհրդարանն այսօր շարունակել է « Նվազագույն աշխատավարձի մասին» օրենքում կառավարության առաջարկած փոփոխության քննարկումը: Նախագծով առաջարկվում է նվազագույն աշխատավարձը գործող 32500-ի փոխարեն սահմանել 35000 դրամ: Եկամուտների նվազագաույն շեմի  շուրջ կրկին բախվել են իշխանության և ընդդդիմադիրները մոտեցումները:

Ընդդիմությունը համոզված է, որ աշխատավարձերը 2500 դրամով բարձրացնելու կառավարության մոտցեումը զավեշտալի է, իսկ սուղ հնարավորությունների հակափաստարկը ՝  չհիմնավորված:
Կառավարությունն ու խորհրդարանական մեծամասնսությունը պնդում են, որ օրինագիծն արտացոլում է բյուջեի իրական հնարավորությունները և քայլ է ՝ աշխատավարձերը մինչև 2017 թվականը կրկնակի բարձրացնելու ճանապարհին:
ԱԺ բոլոր խմբակցությունները, բացառությամբ ՕԵԿ-ի, այսօր  ներկայացրել են իրենց դիրքորոշումները:

ԲՀԿ խմբակցության քարտուղար Նաիրա Զոհրաբյանի խոսքով՝  նվազագույն սպառողական զամբյուղն ամենահամեստ հաշվարկներով 47 000 դրամ է, իսկ  նվազագույն աշխատավարձը պետք է առնվազն ապահովի ՀՀ քաղաքացու  նվազագույն կարիքները:  Օրինագծով կառավարությունը խորհրդարանին, ըստ Զոհրաբյանի,  բարոյական երկընտրանքի առջև է կանգնեցրել. մի կողմից  պատասխանատվությունն է այն քաղաքացիների առջև, ում համար   այդ 2 500 դրամն իսկապես կարևոր է, մյուս կողմից քաղաքական այն դիրքորոշումն է, որ նախագծի հիմքում ընկած փիլիսոփայությունը, գաղափարախոսությունն ու մեխանիզմներն անընդունելի են ԲՀԿ-ի համար:
«Մեր դիրքրոշումը բացասական է, մենք դեռ կքննարկենք քվերակությանբ ինչպիսի դիրքրոշում հայտնել, բայց կրկնում եմ, այս նախագծով մեզ կանգնեցրել եք անհատական պատասխանատվության խնդրի առջև»,- ասաց նա:
Նվազահույն աշխատավարձը 2500 դրամով բարձրացնելու կառավարության առաջարկը  բարոյական երկընտրանքի առջև է  կանգնեցրել  նաև « Ժառանգություն» խմբակցության պատգամավորներին:

« 2500 դրամը քիչ առաջ հաշվարկում էինք՝  10 թե 15 հացի գումար է: Եթե ասենք չէ, ժողովուրդը կասի՝ լավ՝ գոնե այդքան բարձրացմանը կողմ քվեարկեիք, կողմ քվերակենք՝ տեսնում ենք, որ ինքներս ենք մեզ խաբում, քանի որ գիտենք, որ կարող էին տասնապատիկ ավելի բարձրացնել: Այսպիսի անհարմար դրության մեջ է դրել մեզ կառավարությունը»,- նկատեց Ռուբեն Հակոբյանը:
«Ժառանգության» ղեկավարը հստակ չհայտարարեց՝ կո՞ղմ, դե՞մ, թե՞ ձեռնպահ քվերակությամբ է խմբակցությունը լուծելու կառավարության առաջադրած երկընտրանքը:

ՀՅԴ-ն հստակ որոշել է , որ դեմ է քվեարկելու: Խմբակցությունը  մինչ այդ դիրքրոշումը ներկայացնելը կառավարությանն առաջարկեց իր բանաձևը. ըստ Դաշնակցության  ամեն տարի նվազագույն աշխատավարձը պետք է սահմանվի բյուջեի նախագծում՝ հաշվի առնելով հետևյալ երեք գործոնները.

«Այն չպետք է պակաս լինի 12–ամսյա գնաճի արդյունքներով վերահաշվարկված նախորդ տարվա նվազագույն աշխատավարձից, չպետք է պակաս լինի կենսաապահովման նվազագույն բյուջեի 2013թ. համար 80%–ից, 2014թ.–ի ու հետագա տարիների համար՝ 100%–ից, և վերջապես՝ միջին ամսական աշխատավարձի 2013թ. համար 30%–ից, 2014թ.–ի համար՝ 40%-ից, 2015թ.–ի ու հետագա տարիների համար՝ 50%-ից»։

Արծվիկ Մինասյանը հիշեցրեց նաև այն հակափաստարկը, որ տրվում է ի պատասխան իրենց կողմից առաջարկվող մոդելի: Կառավարությունը նշում է, թե նվազագույն աշխատավարձի ՀՅԴ–ի  տարբերակն ընդունելու դեպքում  բյուջեից մոտ 17  մլրդ դրամ լրացուցիչ գումար կպահանջվի։
«Եթե այս կառավարությունն ի վիճակի չէ լրացուցիչ 17 մլրդ դրամ ստեղծել, կարծում եմ նրանց մենք պետք է ասենք ցտեսություն»։
Ցտեսության հորդորին ՀՀԿ խմբակցության ղեկավար Գալուստ Սահակյանն անդրադարձավ։
«Շատ լավ զգացինք, որ ելույթ ունեցողներից մեկը կառավարությանն ասաց «ցտեսություն». սա արդեն մեզ հույս է տալիս, որովհետև «ցտեսություն» բառը նշանակում է մինչև տեսություն, այսինքն՝ կարոտ ու սեր արթնացնող բառ է»։

Գակուստ Սահակյանն ասաց նաև, որ լիրիկական շեղումները չհաշված, համաձայն է ընդդիմադիրների գնահատականների մեծ մասին, հասկանում է նաև ընդդիմախոսների անելանելի վիճակը։
«Եթե չքվեարկեն՝ կմնա նույնը, եթե քվեարկեն՝ սա էլ մի անտանելի բան է, իհարկե՝ ընդդիմության համար։ Բայց միևնույն է պատասխանատու վիճակը մերն է վերջին հաշվով»։

ՀՀԿ–ն նախագծին կողմ է քվեարկելու՝ հասկանալով  այսօրվա հնարավորությունները և հարցը դիտարկելով ժամանակային կտրվածքի մեջ:

Ֆինանսների նախարար Վաչե Գաբրելայնն էլ ամփոփոիչ ելույթում նշեց, որ օրինագիծը ռեալ քայլ է և արտացոլում է այն  հնարավորությունները, որոնք այսօր ունի բյուջեն:
«Իհարկե՝ լավ կլիներ, որ նվազագույն աշխատավարձն ավելի բարձր լիներ, բայց մենք այսօր չունենքն այդ հնարավորությունները»,- ասաց նա:
Օրինագիծը  խորհրդարանը կքվեարկի վաղը:

Ցուցադրել ավելի

Թողնել պատասխան

Back to top button