Լուսինե Վասիլյան
«Ռադիոլուր»
Ազգային ժողովում այսօր շարունակվել են 2011 թ. պետական բյուջեի կատարողականի քննարկումները: Նախորդ տարվա ընթացքում բյուջեից ստացած և ծախսած գումարների մասին այսօր հաշվետվություն են ներկայացրել կրթության ու մշակույթի ոլորտի պատասխանատուները:
Վերջին 3 տարում 600 ընտանիք է հաստատվել Հայաստանում։ Խոսքը սիրիահայերի մասին չէ: «Արի տուն» ծրագրի երիտասրադներից 10- ը ամուսանցել են, մոտավորապես 50-ն էլ սովորում են մեր բուհերում:
Հրանուշ Հակոբյան
Սփյուռքի նախարարությունը 2011թ պետբյուջեից ստացած 453 մլն դրամը 100 տոկոսով չի իրացրել: Ըստ նախարար Հրանուշ Հակոբյանի՝ որոշ խնայողություններ գոյացել են գնումների ընթացքում, որոշներն էլ թափուր հաստիքների առկայության արդյունք են:
2011-ին նախարարությունը Համահայկական համաժողով է կազմակերպել , որին մասնակցել է Սփյուռքի 557 կազմակերպություն, «Արի տուն» ծրագրի հերթական փուլն է իրագորվծել, սկսվել է էլեկտորնային թանգարանի ու էլ.գրադարանի հիմնումը։
Անձամբ նախարարը 2011-ի ընթացքում 11 գործուղում է ունեցել և ամսվա մեջ միջին հաշվով 3 օր եղել արտասահմանում: Հրանուշ Հակոբյանի կարծիքով ՝ այդ այցելությունները շարժ ու ոգևորություն են առաջացնում Սփյուռքի կառույցներում: Ամենակարևորը, ըստ նախարարի , գերատեսչությունը կարողացել է համոզել, որ իր նպատակը Սփյուռքից փող ստանալը չէ:
Այս ամենի արդյունքում քանի՞ մարդ է Հայաստան տեղափոխվելու որոշում կայացրել՝ նախարարին հարցրեց դաշնակացական Արծվիկ Մինասյանը:
«Հստակ թիվ հայտարարել չեմ կարող, բայց վերջին 3 տարում 600 ընտանիք է հաստատվել Հայաստանում։ Խոսքը սիրիահայերի մասին չէ: «Արի տուն» ծրագրի երիտասրադներից 10- ը ամուսանցել են, մոտավորապես 50-ն էլ սովորում են մեր բուհերում»:
Մենք ընդամենը անցյալ տարի ենք անցել 12-ամյա կրթակարգին: Այս համակարգի ձախողման, տապալման մասին բոլոր գնահատականները ժամանակավրեպ են: 12-ամյա կրթակարգը այլընտրանք չունի, իսկ խնդիրները, որ պետք է լուծվեն, միայն մասնագիտական քննարկումների առարկա են:
Արմեն Աշոտյան
Կրթության եւ գիտության նախարարությանը 2011թ. պետբյուջեից հատկացվել է մոտ 106 մլրդ դրամ: Կրթական ծախսերը, ըստ նախարարի, կատարվել են 99 տոկոսով: Հիմնականը նախարարը համարեց 125 համայնքներում նախակրթարաններ հիմնելու ծրագիրը, իսկ հանրակրթության ոլորտում՝ անցումը տասներկուամյա կրթակարգին:
«Ուզում եմ շեշտել, որ մենք ընդամենը անցյալ տարի ենք անցել 12-ամյա կրթակարգին: Այս համակարգի ձախողման, տապալման մասին բոլոր գնահատականները ժամանակավրեպ են: 12-ամյա կրթակարգը այլընտրանք չունի, իսկ խնդիրները, որ պետք է լուծվեն, միայն մասնագիտական քննարկումների առարկա են»:
Նախարարը համաձայն է, որ դպրոցական ծրագրերն ու դասագրքերը վերանայման ու լուրջ մշակման կաիք ունեն: Համաձայն է նաև տեսակետին, որ դպրոցում ու բուհում կոռուպցիայի դեմ պայքարի ՕԳԳ-ն ցածր է:
«Օրինակ, դրամահավաքը, թիվ մեկ խնդիրն է դպրոցներում: Սա մի մոնստր է դարձել, որի հետ որքան պայքարում ես, այնքան աճում է»:
1400 դպրոցներից 1150-ի տնօրենները Հանրապետական կուսակացության անդամներ են՝ այս հարց- մտահոգությունն էլ նախարարին ՀԱԿ-ից Արամ Մանուկյանը փոխանցեց: Մեր դպրոցներն ապակուսակցական են՝ ի պատասխան նշեց նախարարը:
«Որևէ օրենք չի արգելում ուսանողներին, տնօրեններին, ռեկտորներին լինել այս կամ այն կուսակացության անդամ: Նման մեկնաբանությունները համարում եմ ոչ իրավական ու ոչ ազատական»:
Բացի այդ, ըստ Աշոտյանի, նախարարության վիճակագրությունը կուսակացկան տնօրենների վերաբերյալ տարբերվում է Արամ Մանուկյանի ներկայացրած տվյալներից: Ըստ նախարարության վիճակագրության՝ հանրապետական տնօրեններն ավելի քիչ են:
Եվ վերջապես, Աշոտյանի խոսքով, հանրապետական լինելը դպրոցների տնօրենների համար պարտավորեցնող է, քանի որ ստիպում է լավ աշխատել:
